2015-nji ýylyň maý aýynyň 27-ne Türkmenistanyň Beýik Britaniýadaky Ilçihanasynyň binasynda Türkmenistanyň Hemişelik Bitaraplygynyň XX ýyllygy we "Bitaraplyk we Parahatçylyk Ýyly" mynasybetli Beýik Britaniýanyň "University of Cambridge" ýokary okuw mekdebiniň "Cambridge Central Asia Forum" bilen bilelikde "Türkmenistanyň Hemişelik Bitaraplygy: durnuklylyk we parahatçylyk syýasaty" atly seminar geçirildi.
Çärä Beýik Britaniýanyň Daşary işler ministrliginiň wekili, Beýik Britaniýadaky diplomatik korpusynyň diplomatlary, Beýik Britaniýanyň "University of Stirling" ýokary okuw mekdebiniň "London Academy of Diplomacy" bölüminiň directory, professor Jozef Mifsud (Joseph Misfud), "University of Cambridge", "University of Oxford", "South Bank London University", "Brunei University London", "Birkbeck University", "Trinity College", "London School of Commerce" ýokary okuw mekdepleriniň alymlary, ylmy işgärleri we talyplary, Halkara deňiz guramasynyň (HDG), Ýewropanyň täzeleýiş we ösüş bankynyň (YTOB), "Summit Trade Events", "Windsor Education", "TVET UK", "British Expertise", "Worley Parsons", "Statoil", "Eurasia Partners", "Eurasian Dynamics LTD" kompaniýalarynyň ýokary derejeli wekilleri hem-de Beýik Britaniýanyň "First" atly žurnalynyň ýörite habarçysy Wakas Ahmed (Waqas Ahmed), türkmen diasporasynyň wekilleri we bolýan ýurdumyzda bilim alýan talyp ýaşlarymyz gatnaşdylar.
Seminarda Ilçi Ý.Serýäýew, Beýik Britaniýanyň Premýer-ministriniň Türkmenistan boýunça öňki söwda wekili we häzirki wagtda "Eurasia Partners" kompaniýasynyň başlygy, professor Çarlz Hendri (Charles Hendry), Beýik Britaniýanyň "University of Cambridge" ýokary okuw mekdebiniň "Cambridge Central Asia Forum"-nyň uly ylmy işgari doktor Şirin Akiner (Shirin Akiner), Beýik Britaniýanyň "Loughborough University" ýokary okuw mekdebiniň Diplomatik Akademiýasynyň we Halkara gatnaşyklar bölüminiň direktory professor Nabil Aýad (Nabil Ayad), Türkmenistanyň Hemişelik Bitaraplygynyň hukuk binýady, onuň özboluşlylygy we aýratynlyklary, Merkezi Aziýa sebitinde we dünýäde parahatçylygy we howpsuzlygy üpjün etmekde Türkmenistanyň goşandy barada çykyş etdiler.
Çykyşlar tamamlananyndan soňra seminara gatnaşyjylar ýokarda agzalan çykyşlar bilen bagly öz teswirlerini beýan etdiler.
Hiç yorum yok:
Yorum Gönder