2015-nji ýylyň 30-njy maýynda Astrahan şäherinde Türkmenistanyň Russiýa Federasiýasyndaky Konsullygynyň (Astrahan ş.) Astrahan oblastynyň bedenterbiýe we sport ministrligi bilen bilelikde,Türkmenistanyň bitaraplygynyň 20 ýyllygynyň bellenilmegine gabat getirilip geçirilýän çareleriň we dabaralaryň çäklerinde Türkmenistanyň Konsullygynyň kubogy üçin halkara dostluk futbol ýaryşy boldy.
Ýaryşa türkmen diasporasyna degişli 4 futbol toparlary Astrahan oblastynyň («Atal» hem-de «Funtowo») we Stawropol ülkesiniň («Watan»), şeýle hem düzümine Astrahan ş. ýokary okuw jaýlarynda okaýan Türkmenistanyň talyplary giren Türkmenistanyň Konsullygynyň ýanynda döredilen «Berkarar» futbol toparlary gatnaşdy.
Ýaryşyň dabaraly açylyşy 2015-nji ýylyň 30-njy maýynda sagat 10:00-da Astrahan şäheriniň Merkezi Stadionynyň Kiçi meýdançasynda geçirildi. Ýaryşyň dabaraly açylyşynda Astrahan oblastynyň Bedenterbiýe we sport ministri Oleg Dementýew, Russiýa Federasiýasynyň DIM-niň Astrahan Wekilçiliginiň Başlygy Oleg Kolomin, Astrahan oblastynyň Halkara we daşary ykdysady aragatnaşyklar ministriniň orunbasary Alekseý Aýdin gutlag sözleri biln çykyş etdiler.
Hormatly myhmanlar hökmünde Astrahan oblastynyň hökümetiniň agzalary, Russiýanyň DIM-niň Astrahandaky wekilçiliginiň ýolbaşçylary, milli jemgyýetçilik guramalarynyň ýolbaşçylary, talyp ýalar, şeýle hem rus habar beriş serişdeleriniň wekilleri gatnaşdylar.
Ýaryş dostlukly ýagdaýda geçirildi. Netijede, erjelli göreşde Stawropol ülkesiniň «Watan» topary birinji ýeri eýeledi, ikinji ýeri türkmen talyplarynyň «Berkarar» topary gazandy, üçinji ýere bolsa Astrahan oblastynyň «Funtowo» topary eýe boldy. Türkmenistanyň Russiýa Federasiýasyndaky Konsullygynyň (Astrahan ş.) adyndan ýaryşyň ýeňiji toparlaryna ýörite kuboklar, medallar we ýadygärlik sowgatlary gowşuryldy.
Hiç yorum yok:
Yorum Gönder