Gazagystan-Türkmenistan-Eýran demir ýol liniýasy 3-nji dekabrda açylar.

Gazagystan-Türkmenistan-Eýran halkara demir ýol liniýasy 3-nji dekabrda dabara bilen açylar

Açylyşdan soň demir ýoluň Türkmenistan-Eýran bölegi ulanmaga beriler. Ägirt uly taslamanyň Gazagystan-Türkmenistan bölegi geçen ýylyň maý aýynda açylypdy. 

Demir ýoluň ulanmaga berilmegi bilen birlikde Ýewropa, Orta we Günorta Aziýa üçin Ýakyn Gündogara ýük gatnatmakda arzan we gysga transport koridory açylar. 

2007-nji ýylda Gazagystanyň, Eýranyň we Türkmenistanyň arasynda gol çekişilen ylalaşyk bilen başlan demir ýol liniýasynda ýylda 3-5 million ýük gatnadylmagy maksat edinilýär. Geljekki döwürde gatnadyljak ýüküň mukdarynyň 10-12 million tonna ýetirilmegi göz öňünde tutulýar. 

Demir ýol liniýasynyň 82 kilometri Eýrandan, 700 kilometri Türkmenistandan, 120 kilometri bolsa Gazagystandan geçýär. 

Demir ýoluň açylyş dabarasyna degişli ýurtlaryň prezidentleriniň gatnaşmagyna garaşylýar. 

http://www.turkmenhabargullugy.com/haber.php?haber_id=2536