Putin Günbataryň Ukraina meselesi boýunça basyşyna boýun egmejekdigini” aýtdy.

Kremlde 2014-nji ýylyň jemleri boýunça metbugat ýygnagyny geçiren Putin, daşary we içeri syýasat, ykdysadyýet,saglygy goraýyş, milli howpsyzlyk we bilim ýaly ugurlarda durup geçdi.
Putin bir sagada golaý dowam eden çykyşyna Krym meselesi bilen başlady.
Putin “Krym we Sewastopol geçirlen referendumyň netijesinde Russiýa birikdi. Krym biziň üçin strategik ähmiýete eýe. Krym we Sewastopol İerusalymdakly Hameri Şerif musulmanlar we musaýylar üçin nähili mukaddes bolsa şol sebitler hem biziň üçin şeýle mukaddes” diýdi.
Ukrainanyň gündogarynda başdan geçirilýän wakalaryň resmi Moskwanyň mesele boýunça çemeleşmesiniň ýerliklidigini subut edendigini öňe süren Putin, Günbataryň Ukraina baradaky basyşyna boýun egmejekdiklerini aýtdy.
Wladimir Putin Russiýa goýlan çäklendirmeler sebäpli Günbatary tankyt edip halkara hukugynyň kimdir biriniň bähbidi üçin üýtgedilmeginiň kabul edilmejekdigini aýtdy.
Russiýanyň gymmat ýaraglanma bäsleşiginde orun almak niýetiniň ýokdygyny bellän Putin, käbir ýurtlaryň Russiýanyň daşyna demir gözenek aýlamaga synanşýandygyny, emma ýurdynyň özüni goramaga güýjüniň ýetýändigini nygtady.
Putin Russiýanyň Günbatar bilen gatnaşyklaryny bes etmek niýetiniň ýokdygyny belläp daşary syýasatda Gündogaryň we Günbataryň güýçli ýurtlary bilen deň gatnaşyklary alyp barmagy ileri tutýandyklaryny ýatlatdy.
Beýleki tarapdan Russiaýda geçirlen sowalnamalardan biri Russiýanyň Prezidenti Wladimir Putine halkyň berýän goldawynyň ykdysady şertleriň agyrlaşmagyna we çäklendirmelere garamazdan dowam edýändigini ýüze çykardy. 
http://www.turkmenhabargullugy.com/haber.php?haber_id=2573