Türkmenistanyň günorta-gündogarynda ýerleşýän möhüm ähmiýetli Uzyndada meýdanynda «Türkmennebit» döwlet konserniniň Körpeje barlag-buraw müdirliginiň işgärleri täze uglewodorod ýataklaryny tapmak maksady bilen ýurduň taryhynda ilkinji aşa çuňlukdaky guýyny burawlamagy dowam edýärler. Guýynyň taslama çuňlugy 7150 metre barabardyr.
Şeýle jogapkärli iş «Gaýrat» medalynyň eýesi, tejribeli burawçy Annatuwak Saparowyň ýolbaşçylygyndaky topara tabşyryldy.
Häzirki wagtda burawçylar 4500 metr çuňluga ýetdiler. Bu çuňluga sement garyndysy bilen berkidilen tehniki turba oturdyldy. Buraw işinde ussalar topary HHR-de öndürilen ZJ – 70 DB kysymly buraw enjamlaryndan peýdalanýarlar.
A.Saparowyň ýolbaşçylygyndaky topar çuňluklary heniz doly öwrenilmedik meýdanlarda eýýäm ençeme ýyllardan bäri barlag-buraw işlerini geçirýärler. Bu topar ilkinjileriň hatarynda Gamyşlyja, Körpeje, Altyguýy we Ekizek ýaly täze nebitgaz barlag-buraw guýularyny burawladylar.
Hiç yorum yok:
Yorum Gönder