8-nji mart Halkara zenanlar gününiň öňüsyrasynda “Ene mähri” diýen hormatly atlary dakmagyň we Prezident Gurbanguly Berdimuhamedowyň adyndan sowgat hökmünde köp çagaly maşgalalara ähli amatlyklary bolan bäş otagly täze öýleriň açaryny dabaraly ýagdaýda gowşurylyş dabarasy boldy. Bu döwlet tarapyndan enelere uly hormat we sylag goýulýandygyna aýdyň şaýatlyk edýär. “Biz we biziň çagalarymyz üçin mundan gowy sowgadyň bardygyny göz öňüne hem getirip bilemizok” diýip, täze öýlere göçüp baranlar gürrüň berýärler.
Açarlary dabaraly ýagdaýda gowşurylyşy baýramçylyk ruhunda bezelen 13 gatly ýaşaýyş jaýynyň öňünde bolup geçdi. Täze öý bilen gutlamaga hökümetiň agzalary, şäheriň häkimi, jemgyýetçilik guramalarynyň wekilleri, hormatly ýaşulylar geldiler. Täze öýleriň açarlaryny we Prezidentiň adyndan sowgatlary Mejlisiň başlygy A.Nurberdiýewa gowşurdy. Paýtagtyň döredijilik toparlary ýörite konsert programmasy bilen çykyş etdiler. Onda türkmen myhmansöýerliginiň däp-dessurlaryny beýan edýän folklor kompozisiýalary görkezildi.
Şu ýyl köp çagaly maşgalalaryň bäşisi jaý toýuny toýladylar. Dokuz çagany, onuň iň kiçileri üç aýlyk ekizler Şanyýaz we Beknyýaz, terbiýelän Akjagül we Jumanyýaz Myradowlardyr. Bäşimowlaryň, Kyýasowlaryň, Baýmyradowlaryň, Çeltekowlaryň maşgalalarynyň her birinde sekiz çaga bardyr. Täze öý edinenleriň ählisiniň çagalary köp çagaly maşgalada ösdüler we terbiýelenýärler. Köp çagaly eneleriň ählisi öý hojalykçylarydyr, olaryň ýan ýoldaşlary bolsa kärhanalarda we edaralarda zähmet çekýärler. Meselem, Arslanmyrat Bäşimowyň ejesi – Ogulbike we Myratberdi Baýmyradowyň ejesi – Gözel – gahryman enelerdir.
Bu bagtyýar maşgalalara bagt, parahatçylyk, ähli gowylyklar we söýgi arzuw edildi. Türkmen myhmansöýerliginiň iň gowy däplerine eýerilip, myhmanlaryň ählisi birkemsiz nygmatdan doldurylan baýramçylyk saçagynyň başyna çagyryldy.
Hiç yorum yok:
Yorum Gönder