Ahalteke atlaryň arassa tohumyny saklamakda gazanan üstünlikleri we ençeme ýyl bäri çeken asylly zähmeti üçin “Türkmenatlary” döwlet birleşiginiň öňdebaryjy atşynaslary Türkmenistanyň Magtymguly adyndaky Ýaşlar guramasynyň gymmat bahaly sowgatlaryna mynasyp boldular. Sylag gowşurmak dabarasy “Türkmenatlary” döwlet birleşiginiň mejlisler jaýynda geçirildi.
Dabarada çykyş edenler türkmen seýisleriniň we atşynaslarynyň gazanan üstünlikleri, “ganatly” bedewleri köpeltmegiň we ösdürip ýetişdirmegiň aýratynlyklary, atçylygy ösdürmegiň häzirkizaman usullary we ony baýlaşdyrmagyň nesilden nesle geçýän gadymy urp-adatlary we däp-dessurlary barada aýdyp geçdiler.
Çykyş edenler, olar esasan hem at gazanan atşynaslar we oba hojalyk uniwersitetiniň mugallymlary, ýurdumyzda ahalteke atlary köpeltmäge we ençeme asyrlar bäri türkmen halkynyň milli mirasy, guwanjy bolan bedewleriň tohumynyň arassalygyny saklamaga ýurdumyzda aýratyn üns berilýändigini bellediler.
Hiç yorum yok:
Yorum Gönder