2016-njy ýylyň 17-nji fewralynda Türkmenistanyň Daşary işler ministri Türkmenistana iş sapary bilen gelen Russiýa Federasiýasynyň Astrahan oblastynyň Halkara we daşary ykdysady aragatnaşyklar ministri D.Afanasýewyň baştutanlygyndaky wekiliýet bilen gepleşikler geçirdi.
Duşuşygyň dowamynda taraplar iki tarapy hem gyzyklandyrýan dürli ugurlar babatda türkmen-rus hyzmatdaşlygyny giňeltmek meseleleri boýunça özleriniň hoşallygyny bildirdiler. Şunlukda, Türkmenistanyň Russiýa Federasiýasynyň dürli sebitleri bilen, hususan-da, Astrahan oblasty bilen hyzmatdaşlygy ösdürmeklige ygrarlydygy bellenildi. Türkmenistanyň Hökümeti bilen Russiýa Federasiýasynyň Astrahan oblastynyň Hökümetiniň arasyndaky söwda-ykdysady, ylmy-tehniki we medeni hyzmatdaşlyk baradaky Ylalaşyk ikitaraplaýyn gatnaşyklary has-da işjeňleşdirmek üçin berk hukuk binýat bolup hyzmat edýändigini bellemek zerurdyr.
Taraplar esasy ünsüni söwda-ykdysady hyzmatdaşlygy ösdürmek meselelerine çekdiler. Şeýle-de, gyzyklanma bildirilýän ugurlaryň arasynda ynsanperwer ulgamyndaky gatnaşyklar hem ara alnyp maslahatlaşyldy.
Gepleşikleriň ahyrynda taraplar özara hormat goýmak we ynanyşmak prinsiplerine esaslanýan oňyn özara gatnaşyklary dowam etmeklige ymtylmalaryny aýan etdiler.
Hiç yorum yok:
Yorum Gönder