Türkmenistanyň Prezidentiniň Karary bilen, Baýramow Döwran Atamyradowiç işde goýberen düýpli kemçilikleri üçin Ahal welaýatynyň häkiminiň orunbasary wezipesinden boşadyldy.
***
Türkmenistanyň Prezidentiniň Karary bilen, Gutlymyradowa Aýgözel Öwezgeldiýewna işde goýberen düýpli kemçilikleri üçin Ahal welaýatynyň häkiminiň bilim, medeniýet, saglygy goraýyş we sport boýunça orunbasary wezipesinden boşadyldy.
***
Türkmenistanyň Prezidentiniň Karary bilen, Annamuhammet Mätiýewiç Goçyýew Garaşsyz Döwletleriň Arkalaşygyna agza ýurtlaryň Ykdysady geňeşine Türkmenistandan wekilliginden boşadyldy.
***
Türkmenistanyň Prezidentiniň Karary bilen, Annageldi Orazberdiýewiç Ýazmyradow Araly halas etmegiň halkara gaznasynyň Müdiriýetiniň Türkmenistandan agzalygyndan boşadyldy.
***
Türkmenistanyň Prezidentiniň Karary bilen, Türkmenistanyň Ministrler Kabinetiniň Başlygynyň orunbasary Bäşimmyrat Atamyradowiç Hojamämmedow Garaşsyz Döwletleriň Arkalaşygyna agza ýurtlaryň Ykdysady geňeşine Türkmenistandan wekil hökmünde bellenildi.
***
Türkmenistanyň Prezidentiniň Karary bilen, Türkmenistanyň Ministrler Kabinetiniň Başlygynyň orunbasary Esenmyrat Orazgeldiýew
Araly halas etmegiň halkara gaznasynyň Müdiriýetiniň Türkmenistandan agzasy edip bellenildi.
**
Berkarar döwletimiziň bagtyýarlyk döwründe bilim ulgamyny has-da kämilleşdirmek, ata Watanymyzy ösdürmegiň döwlet maksatnamalaryna laýyklykda ýurdumyzda uly özgerişleri amala aşyrmakda alnyp barylýan işlere bilimli, hünärine ussat, başarnykly ýaşlary çekmek, şeýle hem ýurdumyzyň ministrlikleriniň we pudak edaralarynyň orta hünär bilimli hünärmenlere bolan isleglerini kanagatlandyrmak maksady bilen, Türkmenistanyň Prezidenti Karara gol çekdi. Resminama laýyklykda Türkmenistanyň Aragatnaşyk ministrligine hem-de Tükmen döwlet neşirýat gullugyna öz garamagynda hojalyk hasaplaşygy esasynda işleýän orta hünär okuw mekdeplerini bellenen tertipde döretmäge ygtyýar berildi.
Türkmenistanyň Aragatnaşyk ministrligine hem-de Türkmen döwlet neşirýat gullugyna degişlilikde Türkmenistanyň Bilim ministrligi bilen bilelikde garamagynda döredilen:
orta hünär okuw mekdebiniň Tertipnamasyny 1 aý möhletde taýýarlamak we bellenen tertipde tassyklamak;
orta hünär okuw mekdebiniň okuw meýilnamalaryny 1 aý möhletde taýýarlamak we Türkmenistanyň Ministrler Kabinetiniň Başlygynyň degişli orunbasarlaryna tassyklamak üçin bermek;
orta hünär okuw mekdebinde hünärmenleri hünärleriň aýratynlyklaryna laýyklykda 2-2,5 ýyllyk bilim maksatnamalary boýunça taýýarlamak we okuwlary 2015-2016-njy okuw ýylyndan başlamak tabşyryldy.
**
Berkarar döwletimiziň bagtyýarlyk döwründe ýerine ýetiriji ýerli häkimiýet edaralarynyň işini has-da kämilleşdirmek maksady bilen, Türkmenistanyň Prezidenti Karara gol çekdi. Resminama laýyklykda Lebap welaýatynyň Türkmenabat şäheriniň Türkmenistanyň Gahrymany Atamyrat Nyýazow etrabynyň we Türkmenistanyň Gahrymany Gurbansoltan eje etrabynyň häkimlikleri ýatyryldy. Lebap welaýatynyň Türkmenabat şäheriniň häkimliginiň gurluşy tassyklanyldy.
Lebap welaýatynyň häkimligine Türkmenistanyň Adalat ministrligi bilen bilelikde şu karardan gelip çykýan üýtgetmeleri we goşmaçalary Türkmenistanyň kanunçylygyna girizmek baradaky teklipleri taýýarlamak we Türkmenistanyň Ministrler Kabinetine bermek tabşyryldy.
**
Berkarar döwletimiziň bagtyýarlyk döwründe ýurdumyzyň senagatynda innowasion esasda elektron pudagy döretmek we ösdürmek, bäsleşige ukyply, ösen tehnologiýalar bilen enjamlaşdyrylan, serişde we energiýa tygşytlaýan, ekologiýa taýdan arassa elektron we elektrotehniki senagaty döretmek hem-de içerki we daşarky bazarlara gönükdirilen elektron we elektrotehniki harytlary öndürmek, ykdysadyýetiň gaýtadan işleýän we bazar üçin ahyrky önümleri öndürýän önümçilik pudaklaryny hem-de üpjünçilik ulgamlaryny döretmek, şeýle hem ýurdumyzyň eksport mümkinçiliklerini artdyrmak maksady bilen, Türkmenistanyň Prezidenti Karara gol çekdi. Resminama laýyklykda Türkmenistanda dürli görnüşli elektron enjamlary öndürýän kärhanalary döretmegiň Döwlet maksatnamasy hem-de şu maksatnamany amala aşyrmagyň 2016-2020-nji ýyllar üçin meýilnamasy tassyklanyldy.
Türkmenistanyň Senagat ministrligine, Türkmenistanyň Ylymlar akademiýasyna hem-de beýleki degişli ministrliklere we pudak edaralaryna Döwlet maksatnamasynda göz öňünde tutulan çäreleriň bellenen möhletlerde talabalaýyk amala aşyrylmagyny üpjün etmek tabşyryldy.
***
Türkmenistanyň Prezidenti Buýruga gol çekdi. Resminama laýyklykda, wezipe borçlaryny göwnejaý ýerine ýetirmän, işde goýberen kemçilikleri üçin Türkmenistanyň jemagat hojalygy ministri Gurbanow Kakageldi Isaýewiçe berk käýinç yglan edildi we ýol berlen kemçilikleri gysga wagtyň içinde düzetmese, eýeleýän wezipesinden boşadyljakdygy oňa duýduryldy.
***
Türkmenistanyň Prezidenti Buýruga gol çekdi. Resminama laýyklykda, 2015-nji ýylda Türkmenistanyň ýokary we orta hünär okuw mekdeplerine okuwa kabul etmek boýunça döwlet toparynyň düzümi tassyklanyldy. Döwlet topary 2015-nji ýylda Türkmenistanyň ýokary we orta hünär okuw mekdeplerine okuwa kabul etmäge guramaçylyk-usulyýet taýdan ýolbaşçylyk etmäge we onuň bellenen tertipde geçirilmegini guramaga borçly edildi. Welaýatlaryň we Aşgabat şäheriniň häkimliklerine Türkmenistanyň ýokary we orta hünär okuw mekdeplerine okuwa kabul etmek boýunça iş toparlarynyň talabalaýyk işlemegi üçin zerur şertleri döretmek tabşyryldy.
***
Türkmenistanyň Prezidenti Buýruga gol çekdi. Resminama laýyklykda, 2015-nji ýylda Türkmenistanyň ýokary okuw mekdeplerine welaýatlar we Aşgabat şäheri boýunça okuwa kabul etmegiň meýilnamasy; 2015-nji ýylda Türkmenistanyň orta hünär okuw mekdeplerine okuwa kabul etmegiň meýilnamasy tassyklanyldy. Türkmenistanyň ýokary we orta hünär okuw mekdeplerine:
okuwa kabul etmegi 2015-nji ýylyň 11-njy iýuly –26-njy awgusty aralygynda guramak;
okuwa kabul etmek boýunça giriş synaglaryny ýokary we orta hünär okuw mekdepleriniň ýerleşýän ýerinde geçirmek tabşyryldy.
***
Türkmenistanyň Prezidenti Buýruga gol çekdi.
Resminama laýyklykda, 2015-2016-njy okuw ýylynda Türkmenistanyň Prezidentiniň ýanyndaky Döwlet gullugy akademiýasynyň döwlet apparatynyň gullukçylaryny gaýtadan taýýarlamak okuwlaryna (okuwyň möhleti iki ýyl) diňleýjileri kabul etmegiň meýilnamasy;
2015-2016-njy okuw ýylynda Türkmenistanyň Prezidentiniň ýanyndaky Döwlet gullugy akademiýasynyň döwlet apparatynyň gullukçylarynyň hünärini ýokarlandyrmak okuwlaryna (okuwyň möhleti bäş aý) diňleýjileri kabul etmegiň meýilnamasy;
2015-2016-njy okuw ýylynda Türkmenistanyň Prezidentiniň ýanyndaky Döwlet gullugy akademiýasynyň kommersiýa arbitražy boýunça döwlet gullukçylarynyň hünärini ýokarlandyrmak okuwlaryna (okuwyň möhleti dört aý) diňleýjileri kabul etmegiň meýilnamasy; 2015-2016-njy okuw ýylynda Türkmenistanyň Prezidentiniň ýanyndaky Döwlet gullugy akademiýasynyň ýerine ýetiriji ýerli häkimiýet we ýerli öz-özüňi dolandyryş edaralarynyň gullukçylarynyň hünärini ýokarlandyrmak okuwlaryna (okuwyň möhleti iki aý) diňleýjileri kabul etmegiň meýilnamasy;
2015-2016-njy okuw ýylynda Türkmenistanyň Prezidentiniň ýanyndaky Döwlet gullugy akademiýasynyň okuwlaryna diňleýjileri kabul etmek boýunça giriş synaglaryny guramagyň tertibi tassyklanyldy.
Hiç yorum yok:
Yorum Gönder