15 Ocak 2015 Perşembe

Ekin meýdanlary ekişe taýýarlanylýar.

Daşoguz welaýatynyň Görogly etrabynyň daýhan birleşikleriniň ekin meýdanlarynda öňde duran gowaça ekişine taýýarlyk görmegiň çäklerinde sürüm we tekizleýiş işleri barha giň gerime eýe bolýar. Esasy oba hojalyk ekini bolan gowaçanyň ekişine 16 300 gektar meýdan taýýarlanylýar 

Görogly etrabynyň “Obahyzmat” önümçilik kärhanasynyň mehanizatorlaryna ynanylan germaniýanyň meşhur «Claas» kompaniýasynyň, belarusyň MTZ-80Х, МТЗ-82 traktorlary we beýleki ýokary öndürijilikli oba hojalyk tehnikalary sürüm işlerini çuň we ýokary hilli geçirilmegine şertleri döredýär. 

Daýhanlara tehniki hyzmatlar hem öz wagtynda we ýokary hilli derejede edilýär. Esasy agrotehniki çäreleriň biri bolan bu işleri ýerine ýetirmek hünärmenleriň görkezmeleri esasynda ýerine ýetirilýär hem-de daýhan birleşikleriniň kärendeçi pagtaçylarynyň we baş agronomlarynyň gözegçiliginde yzygiderli saklanylýar. Topragyň ýokary hilli işlenilmegi geljekki bol hasylyň düýbüni berk tutmaga şertleri döredýär. Şol bir wagtyň özünde ekin meýdanlaryny tekizlemek we keşleri çekmek işleriniň gerimi barha giňeýär. 

Ekin meýdanlaryny ekişe taýýarlamakda “Ak saraý”, Balyş Öwezow adyndaky, “Ýagtylyk”, Hüdük Myradow adyndaky daýhan birleşiklerinde we beýleki öňdebaryjy hojalyklarda gyş işleri bellenilen wagtdan ozulyp işlenilýär. Bu hojalyklarda topragyň hasyllylygyny yzygiderli ýokarlandyrýan meşhur oba hojalyk işgärleri zähmet çekýärler. Şeýle hem organiki dökünlerini köp mukdarda taýýarlamaga, suwaryş ulgamyny arassalamaga, şorlaşan ýerlerde gyşky ýuwuş işlerini geçirmek işlerine, hünärmenleriň görkezmelerine laýyklykda beýleki oba hojalyk işlerini ýerine ýetirmäge aýratyn üns berilýär.

Hiç yorum yok:

Yorum Gönder